Kryeministri Edi Rama është shprehur mbrëmjen e sotme se po shikon mundësinë, për lejimin e hashashit për qëllime mjekësore në vend.
Në një lidhje direkte me emisionin “Zonë e Lirë”, kreu i qeverisë tha: “Atë hashashin me leje po e studiojmë, shtete të tjera e kanë bërë… Jemi shumë të avancuar, por akoma nuk jemi në kapitullin e fundit”.
Kryeministri Rama tha gjithashtu se “Të pasurit në këtë luftë, si në çdo tjetër të njerëzimit, duhet të japin jo të marrin”.
“Biznesi i madh nuk do dëmtohet nga fakti që s’do marri qiranë nga njerëzit që janë në pikë të hallit. Qiraja në të gjithë botën është e ardhur dytësore. Kush ka dy palë të ardhura, ky nuk është halli më i madh që ka qeveria”, ka thënë Rama.
Po nëse një nga këto biznese rrezikon falimentin? Rama përmendi rastin e Gjermanisë duke deklaruar se “Do ta shikojmë atë, po qeveria gjermane ka ndaluar shpalljen e falimentit”.
Nëse ndonjë nga këto bizneset e mëdha rrezikon falimentin, a ka plan qeveria t’i mbrojë nga falimentimi?”, e ka pyetur Çuri. “Do ta shikojmë atë, po qeveria gjermane ka ndaluar shpalljen e falimentit”, u përgjigj Rama.
