Përplasje të forta ka patur sot në Kuvend, ndërsa është diskutuar mbi vendimet e Bordit të Transparencës. Por nuk mungoi edhe një agravim i situatës mes Ramës dhe Berishës. Gjithçka nisi pas një debati mes deputetëve të opozitës për fjalën që këta kërkuan në Kuvend. Por duke iu referuar rregullores, kryetarja e Kuvendit Lindita Nikolla i vendosi minutazh fjalës së Tabakut, dhe më pas i ndërpreu fjalën. Kaq mjaftoi që të ‘shpërthente’ nga vendi Berisha dhe deputeti Flamur Noka.
Sali Berisha ka kërkuar fjalën, por kryetarja e Kuvendit Lindita Nikolla, nuk ia ka dhënë dhe kjo ka nxitur një debat. Kryeministri Rama i është drejtuar Sali Berishës se është i padëshiruar.
Berisha: Akti i turpshëm, nuk i hiqet Parlamentit fjala
Rama: Si nuk të vjen turp o “non grata” po ulu aty. Je i padëshiruar ulu, je i padëshiruar
Rama- Berishës: Nuk ka procedurë për ty personalisht, jo për Kuvendin. Nuk procedurë për “non grata”, je i padëshiruar
Flamur Noka- Ramës: Kush je ti që përcakton se kush është opozitë? Pse ti e përcakton opozitën. Opozitën e bravave quan opozitë ti?
Berisha- Nikollës: Kush je ti që i heq Kuvendit, mundësinë e procedurës? Nga verbëria po i shërben Ramës.
