E mërkurë, 28 Korrik, 2021
22.5 C
Tirana

Rama përjashton Fatos Tushen nga Partia Socialiste: Vini gishtin kokës!

“Kryebashkiaku i Lushnjes do të shkarkohet nga detyra, dhe do të përjashtohet nga PS. Masat do të rishikohen vetëm nëse do të dalë i pafajshëm”. Ishte ky vendimi i ndërmarrë nga ana e kreut të qeverisë, ku përballë kryebashkiakëve që i mblodhi në Kryeministri tha se PS nuk do të jetë një zyrë partie për askënd. Kryeministri u shpreh se korrupsioni, ryshfeti e bashkishi nuk kanë ngjyrë politike dhe se kush shkel të drejtat e qytetarëve, do dalë i vetëm para drejtësisë.

“Kryetarët e Bashkisë kanë të drejtën e prezumimit të pafajësisë deri në përfundim të gjykimit, por s’është puna ime dhe as e PS që të kërkojë pafajësinë e tyre. Ky është rasti për tu përsëritur juve dhe të gjithë të tjerëve që do të marrim besimin e shumicës tonë të mandatuar për të 3 herë rresht si forcë qeverisëse.

PS nuk është zyrë avokatie e të pandehurve të akuzuar nga drejtësia, por është fuqia e votuar nga populli i saj. Korrupsioni, ryshfeti, bashkishi nuk kanë ngjyrë politike, janë e zeza, errësira, llumi me të cilin duhet dhe do të përballemi për të vazhduar të reformojmë Shqipërinë. Kush shkel të drejtat e qytetarëve, i vetëm para drejtësisë. Të refuzojmë çdo lloj mbrojtje për këdo që bie pre e tyre, të udhëheqim popullin drejt majës. Kryebashkiaku i Lushnjes do të shkarkohet nga detyra, dhe do të përjashtohet nga PS. Masat do të rishikohen vetëm nëse do të dalë i pafajshëm”, tha Rama.

Rama-kryebashkiakëve: Vini gishtin kokës, mandati i 3-të kërkon përkushtim

Pas shkarkimit të Fatos Tushes, kryeministri Edi Rama u ka dërguar mesazh kryebashkiakëve. Ai ka trembetuar se mandati i tretë kërkon 3-fish investim. Mjaft i qartë në mesazhin e tij, Rama nënvizoi se mandati i tretë kërkon përshkushtim.

“Nuk nisemi nëse ai është fajtor, por i marrim këto masa për të dhënë një mesazh shumë të qartë për ata që paguhen. Arsyeja pse ju thirra është se pa përjashtim, ti vini mirë gishtin kokës, të kuptoni se mandati i tretë kërkon përkushtim të trefishtë, seriozitet të trefishtë, një vetëdijesim të trefishtë për trefishimin e nivelit të performancës. Disa ishin shprehur se isha kujtuar vonë për ndryshimet në polici dhe korrupsionit në polici që e shoqëron në çdo hap si hije, dhe luftën e kërkesës për ryshfet rrugëve që shfaqen me avazin e vjetër të abuzimit të neveritshëm, nuk jam kujtuar vonë”, tha Rama.

Lexo edhe :   A nuk po e çojnë Ramën drejt Kultit të individit?

Rama-kryebashkiakëve: Mos luani me një zjarr që do të bëhet gjithnjë e më përvëlues

Rama ka paralajmëruar kryebashkiakët, ku u kërkoi të mos përzihen me probleme të prokurimit publik, sepse do ta pësojnë. Kryeministri u kërkoi kryebashkiakëve që ta studiojnë mirë këtë paketë, dhe të mos përfshihen duke influencuar në proceset e dhënies së tenderëve.

Lexo edhe :   A nuk po e çojnë Ramën drejt Kultit të individit?

“Progresi në garantimin e rendit publik është i madh, prandaj Prokurimet Publike janë arsyeja e parë që iu mblodha. Reagim i menjëhershëm deri në fund të mandatit për të garantuar cilësi, transparencë dhe shpejtësi. Paketa përmirëson kuadrin rregullator në Shqipëri. Mos u përzieni me problemet e prokurimit publik, mos luani me një zjarr që do të bëhet gjithnjë e më përvëlues në kushtet kur drejtësia e re do të ketë të gjithë mbështetjen time dhe të PS kundër kujdo ndër ju që do të luajë me zjarrin. Kam kërkuar reformim për prokurimet publike. Ndër procedura te asistuara 88.5% e procedurave kanë rezultuar me probleme në hartimin e kritereve, prandaj Bashkive u janë dërguar rekomandime. 52.5% e Bashkive nuk kanë reaguar dhe s’kanë bërë rregullime në proces. Është fakt i njohur botërisht se hartim i kritereve të veçanta për kualifikim, qepja me dorë e tenderit si kostum me porosi e cënon shkallën e pjesëmarrjes”.

- Reklama -

Më shumë nga kategoria




Të fundit

Si mund të shmangen epidemitë

Numri i vdekjeve të raportuara nga COVID-19 ka kaluar 4 milionë, sipas Universitetit Johns Hopkins që regjistron infektimet dhe vdekjet. Në 100 vitet e...

Politikani lituanez dënohet me burg për spiunim për Rusinë

Një gjykatë në Lituani dënoi politikanin Algirdas Paleckis me gjashtë vjet burgim, pasi e shpalli fajtor për spiunim për Rusinë. Gjykata e rrethit Siauliai vendosi...

Lëkundje sizmike me magnitudë 4.1 në Shqipëri

Lëkundje sizmike janë regjistruar mbrëmjen e sotme në vendin tonë. Sipas statistikave të publikuara nga Instituti i Gjeoshkencave, Energjise, Ujit dhe Mjedisit, tërmeti me...

Zgjedhje të parakohshme? Haradinaj: Qeveria Kurti nuk do të zgjasë shumë

Kryetari i Aleancës për Ardhmërinë e Kosovës, Ramush Haradinaj deklaroi se qeveria e Albin Kurtit nuk do të zgjasë shumë, duke paralajmëruar se në...

I pandehur me ish-ministrin Tahiri/ Rrëzohet kërkesa e Jaeld Çelës për liri

Gjykata e Posaçme kundër Korrupsionit dhe Krimit të Organizuar (GJKKO), ka rrëzuar  kërkesën e ish-drejtorit të Policisë së Vlorës Jaeld Çela, për lirimin nga...