Kryeministri Edi Rama në takimin me gratë dhe vajzat në qytetin e Burrelit, ndër të tjera u shpreh se Partia Demokratike ka marrë gjobë në KQZ për mungesë të grave dhe vajzave në listat e tyre.
“Nuk më interesojnë ato që ndodhin në partinë demokratike, PD që kërkon votën për “republikën e re” ka paguar gjobë në KQZ për mungesën e grave dhe vajzave në shume qarqe, sipas saj nuk ka gra dhe vajza për të përfaqësuar, Kukësin, Lezhën, Fierin, Gjirokastrën, Beratin, vetëm burra, dhe çfarë burrash, po ky është muhabet tjetër. Ndaj i them grave dhe vajzave mos e votoni Partinë Demokratike. Mos pranoni që në shekullin 21, në vitin 2017 të ktheheni prapë tek “oda e burrave” të Saliut, dhe të mos i trajtojmë gratë si kategori e dytë”, tha Rama.
