Kryeministri Edi Rama ndodhet në Nju Jork në kuadër të sesioni të përvitshëm të OKB-së.
Ashtu si liderët e tjerë botërorë, edhe çifti Edi Rama-Linda Basha kanë pasur shansin të kenë një foto ceremoniale me çiftin presidencial Donald Trump dhe Melanie Trump.
Foton me Presidentin e SHBA-ve, kryeministri shqiptar e ka shpërndarë vetë në profilin e tij në Facebook, nën etiketimin “Fotoja e ditës”.
Në periudhën kur Trump ishte në fushatën elektorale për kreun e Shtëpisë së Bardhë, kryeministri Rama në një intervistë në CNN tha se do të ishte katastrofë në qoftë se Trump do të zgjidhej President i SHBA-ve.
Edhe në takimin e NATO-s Rama u mundua shumë që të publikonte në media një foto me Trump.
Më në fund ky takim i OKB-së i dha shansin kryeministrit Rama që të “pajtohej” me Trump. Nëse janë pajtuar apo jo këtë nuk e dimë por së paku një foto e kanë bërë së bashku.
