Kreu i grupit parlamentar të LSI-së, Petrit Vasili ka reaguar pas njoftimit të Ramës se ka nisur procesin për të paditur gazetarin gjerman, Peter Tiede, i cili publikoi përgjimet e bujshme në gazetën Bild.
Në një postim në rrjetet sociale, ish-deputeti e cilëson kryeministrin si «vulgar e banal», teksa shkruan se paditi Tiede sepse u tregoi të vërtetën shqiptarëve.
“Edhe vjedh zgjedhjet, edhe përqafohet me kriminelët, edhe është vulgar e banal dhe pastaj padit gazetarin e BILD Peter Tiede se u tregoi të vërteten shqiptarëve. Qenit kur i vjen ngordhja vete permjer atje ku s’duhet….dhe pastaj fundi dihet…..”, shkruan Vasili.
Kujtojmë se më herët reagoi edhe vetë gazetari gjerman Tiede, i cili i komentoi Ramës në Twitter: “Për çfarë më akuzoni? Për publikimin e audio-përgjimeve të vërteta?”.
