Rama: Opozita s’la gurë pa luajtur për të bllokuar negociatat

Kryeministri Edi Rama tha se opozita për asnjë moment nuk ka dashur që Shqipëria të merrte rekomandimin për hapjen e negociatave. I ftuar në emisionin “Real Story” në “Vizion Plus”, Rama deklaroi se opozita nuk ka lëne gurë pa luajtur për të mos u hapur negociatat.

Rama: Opozita nuk ka dashur që te merrej rekomandimi për Shqipërinë. Opozita nuk ka lëne gurë pa luajtur për të mos u hapur negociatat. Nuk ka lëne letër dhe email pa dërguar tek ndërkombëtarët që të mos merrej rekomandimi. Edhe me bllokimin e reformën në drejtësi dhe me gjithçka tjetër që ka bërë kjo opozitë ka treguar qartë se ajo nuk e ka dashur marrjen e rekomandimit për hapjen e negociatave.