Komisioneri i Bashkimit Europian për Integrimin, Oliver Varhelyi, i ka bërë thirrje mazhorancës që të mos votojë rrëzimin e dekretit të presidentit Meta, por të presë qëndrimet e Komisionit të Venecias për Kodin Zgjedhor.
Vlen të theksohet fakti se deklarata në fjalë ka ardhur pas qëndrimit të kryeministrit Edi Rama, i cili tha se mazhoranca do të kalojë të njëjtin draft për Kodin.
Kreu i qevërisë ka reaguar pas qëndrimit të Metës, duke cilësuar si një ekstremist kundër Parlamentit. Rama thotë shkurt dhe prerë se Meta nuk merr dot peng askënd, dhe asgjë përveç Presidencës.
“Ky President i angazhuar si një ekstremist kundër Parlamentit dhe Qeverisë Shqiptare, s’merr dot peng askënd dhe asgjë përveç institucionit që fatkeqësisht ka marrë peng! Opinioni i Venezias mirësetëvijë kur të vijë, por koha për këto zgjedhje s’pret asnjë ditë jashtë procedurave.
Mendimi i Venecias është gjithnjë i mirëseardhur, por për një ligj të votuar dhe të refuzuar nga Presidenti, procedura është e qartë: Refuzimi i Presidentit pranohet ose rrëzohet nga parlamenti! PARLAMENTI DO TË RISHPREHET PA HUMBUR ASNJË DITË!”, shkruan Rama në Twitter”.
