Kryeministri Rama tha qartazi se informacionet nuk janë marrë vetëm nga mediat, lidhur me identifikimet nga kampi Al-Hol në Siri. Pak pas mbërritjes në Rinas, në deklaratën për mediat, Rama deklaroi se prej një viti ka nisur puna dhe se ka qenë mjaft intesive.
“Nuk kemi pritur që t’i gjejmë lokacionet nga lajmet. Kemi një vit që punojmë, nuk kemi pasur për asnjë çast problemin e gjetjes së lokacioneve.
E dini shumë mirë që nuk kemi marrëdhënie me regjimin e Damaskut, duhet leje-kalimi i tyre. Po ashtu bëhet fjalë për të parandaluar surpriza.
Heronjtë kanë qënë vetë në territor për katër javë. Dua të them që nxjerrja e këtyrë fëmijëve nga një ferr, është proces i komplikuar, janë në mes prindër që kanë pozicione të radikalizuara.
Ka forca kampi që nuk janë të njëjtat, që duhet diskutuar për të kaluar pa surpriza dhe gryka zjarresh.
Puna e bërë ka qënë intensive. Siç e kam thënë edhe sot paradite, e gjithë kjo është mundësuar falë gjeneralit Abass Ibrahim, që më premtoi se operacioni do të vijojë. Edhe disa fëmijë janë në vështirësi, por nuk dua të jap detaje sepse mund të kompromentojnë”.
Floresha Rasha me fëmijët e saj Amar Rasha, Emel Rasha dhe Hatixhe Rasha së bashku me djalin e familjes Dumani, Endri Dumani, janë shqiptarët që u nxorën nga kampi famëkeq “Al Hol”.
Nga i njëjti kamp u riatdhesua edhe vogëlushi shqiptar Alvin Berisha, ngjarje e cila bëri bujë disa muaj më parë.
