Në kohën kur kryedemokrati Basha nxirrte video me biznesmenët, të cilët i ankoheshin se nuk kishin marrë asnjë “pagë lufte”, kryeministri Rama ka nxjerrë një video që dëshmon një tjetër situatë.
Kreu i qeverisë ka ndarë në rrjetet sociale rastin e Lulzim Metës, berber në zonën e Cërrikut, i cili ka marrë tre pagat e luftës.
Rama e cilëson Metën si shembull i njeriut të punës e zanatit, që mban familjen prej 25 vitesh me të ardhurat që merr nga biznesi i tij.
Po kështu, duke hedhur kunja edhe ndaj kreut të PD-së, kryeministri vijon të tregojë se Lulzim Meta të cilin e thërrasin edhe Luli, ka marrë tre paga lufte nga 26 mijë lekë. Ky është një bonus i drejtpërdrejtë financiar, pas mbylljes së aktivitetit të tyre prej koronavirusit.
Statusi
? Lulzim Meta është shembull i njeriut të punës e zanatit, që prej 25 vitesh mban familjen me të ardhurat nga berberania e tij në Cërrik.
✅ Luli, siç e thërret klientela e tij besnike është një nga 5900 zanatçinjtë berberë e parukierë të vendit që deri sot kanë marrë tre paga lufte nga 26 mijë lekë, si bonus i drejtpërdrejtë financiar pas mbylljes së aktivitetit të tyre prej Covid19.
Drejtoresha e Përgjithshme e Tatimeve, Delina Ibrahimaj, vijon turin e takimeve me sipërmarrësit e vegjël, më të goditurit nga situata e krijuar, shqiptarë të zakonshëm që jetojnë e punojnë me djersën e ballit.?
