Në një ceremoni zyrtare, kryeministri Edi Rama i dorëzoi Luiza Gegës kordonin e madh me Yllin për Mirënjohje Publike. Rama në fjalën e tij nuk la pas batutat, ku ironizoi gjatësinë e tij, ndërsa e krahasoi Gegën me Napolonin.
“Duke të lutur të vish këtu, pa u trembur nga lartshtatësia ime. Sepse mua më rrofshin gjithë këto centimetrat e mia.
Kjo letër është për të certifikuar që ylli nuk është i kontrabanduar, është origjinal. Unë e di që ti je trime dhe nuk trembesh, por edhe vetë Napoloni ishte vetëm 2 centimetra më i gjatë se ty, por ishte 20 minuta më i ngadaltë se ty“, tha Rama.
Rama teksa vlerësoi figurën e atletes Luiza Gega, iu përgjigj ashpër kritikëve në ceremoninë e nderimit për kampionen e Europës. Ai ka lëshuar gojën kundër atyre qe i cilëson kritikët cinikë, që mendojnë ndryshe për djemtë dhe vajzat shqiptare.
“Mendoj se ti hyn në një kënd shumë specifik, si parakumptuese të një Shqipërie ku vajza e djem do të provojnë të kundërtën e asaj që predikojnë cinikët dhe më falni “tallje trapistët” me kombin, flamurin dhe normë morale dhe etike të traditës shqiptare.
Ngadhimi yt i tregon të gjithëve se nuk ka njerëz më inferior se të tjerët, dhe s’ka asgjë të pamundur për çdokënd që ka kurajo të ndjekë ëndrrën e vet, të jesh kampione Europiane në një vend që pistën e parë normale në normalitetin e vetë e ka në pyll, dhe e ka ndërtuar tani. Do të thuash të gjithëve se asnjë pengesë me këdo qoftë para teje nuk të pengon të ngjitesh në majë nëse je i vendosur të ngjitesh në majë, dhe të paguash çmimin e sfilitjes, gjakut, lotit dhe djersëve.
Shumë do doja të flisja ende, por besoj se fjalët u thanë dhe për marrë mësysh po i vë një hudhër fjalimit, duke sjellë në vëmendje një pjesë brutale të komunitetit tonë që nuk e duron dot suksesin, që nivelin e urrejtjes për tjetrin, sa është gati ta bëjë copë Shqipërinë. Jo se nuk e do atdheun, por se nuk arrin dot të kuptojë se atdheu nuk është vetëm i veti, kjo arrin kulmin kur në vend se të admirohet ana reale e suksesit që ka të bëjë vetëm me ëndrrën dhe vullnetin, shpotitet suksesi dhe flitet për euro, për braktisje, kam vetëm një fjalë për tu thënë; Shqipëria sot i shpërblen…
Edhe kjo medalje sot nuk e kompenson sot, sepse s’ka shpërblim financiar që të kompensojë sfilitjen, gjakun, lotët dhe djersën. Kjo medalje është bërë për figura të larta shtetërore, politike kryesisht, pra normalisht do e merrte Churchill jo ti, por ty të takon më shumë se kushdo tjetër se në mbajtje të simbolit të kësaj medalje, është hija e atletit të parë të kombit tonë, atleti i lirisë, Skënderbeu. Duke tu lutur të vish këtu pa ju trembur shtatlartësisë time të kotë, se mua më rrofshin këto cm, por… e di që je trime dhe nuk trembesh, por dhe vetë Napoloni ishte vetëm 2 cm më i gjatë se ty, por ishte 20 minuta më i ngadaltë se ti…”, tha Rama.
Kampionia e Europës, Luiza Gega u prit sot në Kryeministri nga kryeministri Edi Rama i cili i puthi duart në shenjë vlerësimi dhe mirënjohjeje për fitoren e madhe që Gega i solli Shqipërisë. E veshur me ngjyrat kuqezi, Gega bëri “paradë” me një makinë të kuqe përgjatë bulevardit “Dëshmorët e Kombit”.
