Ish-kryeministri Aleksandër Meksi, ka lëshuar një mesazh me mjaft peshë lidhur me situatën kaotike nga koronavirusi. Me një status, i vlefshëm për çdo shqiptar kudo ndodhet, ai ka kërkuar durim në këto ditë vetë-izolimi.
Meksi ka kërkuar ndaj qytetarëve, që të jenë të përgjegjshëm, pasi për gabimin e dikujt, zinxhiri i vdekjeve nuk do ndalet. Ndaj, çdo gjë është në dorën tonë, për të mbajtur nën kontroll virusin vdekjeprurës.
Sikundër gjithë personazhet nga klasa politike, edhe ai apelon që të gjithë pa përjashtim të mbyllen në shtëpi. Të shmangin kontaktet dhe daljen në rrugë, kjo vetëm për nevoja të domosdoshme. Me mjaft rëndësi është që shqiptarët të zbatojnë rregullat e higjienës, po dhe këshillat e mjekëve.
Statusi
Vëllezër e Motra bashkëkombës !!!
Ju drejtohem si qytetar, si të gjithë Ju, miq e të panjohur në këto ditë të vështira.
Thirrja e ime është që të përmbaheni e të duroni vetminë e mbylljes në shtëpi duke qenë se deri dje dalja në rrugë, kafeja tradicionale e takimet me miq, shokë e të afërm ishin pjesë e dobishme e jetës sonë të përditshme. E kuptoj se është e vështirë për mënyrën tonë të jetesës dhe se në shumicën e rasteve dhe për kushtet e banimit jo të përshtatshme për izolim. Por, pa këtë vetizolim paraprak shmangni përhapjen e kësaj flame dhe njëherësh shmangni dëmtimin tuaj dhe të familjarëve. Dhe kjo varret prej nesh. Edhe njëherë mbylluni në shtëpi, shmangni tërësisht kontaktet dhe daljen në rrugë vetëm për nevoja të domosdoshme (dyqane ushqimesh dhe farmaci), zbatoni me bindje dhe rreptësi rregullat e higjienës për këtë rast, po ashtu dhe këshillat e mjekëve. Le të shpresojmë që në të njëjtën shkallë të mobilizohen dhe ata që me vullnetin e lirë të tyre kanë marrë përsipër detyrën të na sigurojnë mbrojtjen e jetës dhe shëndetit tonë dhe për sakrificat e tyre tu jemi mirënjohës.
Uroj që të kemi të gjithë bashkë fat !!
Shpërndarja e rasteve të konfirmuara me COVID-19 është si vijon:
Tiranë – 16 raste
Durrës – 3 raste (njëra prej të cilave ka ndërruar jetë)
Lushnje – 1 rast
Elbasan – 2 raste
Rrogozhinë – 1 rast
Të gjitha rastet kanë pasur histori udhëtimi me Italinë.
