Kryeministri Edi Rama ka njoftuar se prej muajit Prill do të hyjë në fuqi premtimi i qeverisë me taksa të përgjysmuara për pagat deri në 50 mijë lekë të reja. “Nga muaji Prill ½ taksa për pagat deri në 50 mijë lekë”, ka shkruar Rama, në postimin e tij mëngjesin e sotëm.
Pak ditë më parë, kryeministri Edi Rama deklaroi se duke nisur nga muaji Prill, do të zerohet taksa mbi pagat deri 40 mijë lekë dhe përgjysmohet për pagat deri 50 mijë lekë.
Ai vuri në dukje se paga minimale duke nisur nga muaji Prill do të jetë 32 mijë lekë, ndërsa objektivi, sipas tij, është të shkojë në 40 mijë lekë në fund të këtij mandati.
“Paga minimale në Shqipëri është 30 mijë lekë dhe nga muaji Prill, do të rritet duke shkuar në 32 mijë lekë dhe do ta rrisim çdo vit. Ambicia është që në fund të këtij mandati, të mos ketë një pagë nën 40 mijë lekë“, deklaroi Rama.
