Kryeministri Edi Rama ka vizituar këtë pasdite familjen Poçi në banesën e tyre të re në Farkë. Dy muaj më parë, banesa e kësaj familjeje u dëmtua nga tërmeti i 21 shtatorit.
I shoqëruar nga kryebashkiaku Erion Veliaj dhe kreu i njësisë administrative, Rama ka uruar për shtëpinë e re familjen Poçi duke shoqëruar me karrocë plakun e familjes, prind i 10 fëmijëve e gjysh i shumë nipërve e mbesave.
Gjatë vizitës në shtëpinë e tyre, nuk munguan batutat mes kreut të qeverisë dhe të moshuarit. Në një moment, kryeministri e konsideroi veten një “katunar” që ka vetëm një copë muri në Surrel.
Kam një çuni i një shoku nga qyteti, ai shkoi aty, pa delen tha ça është ky qen? S’njifte delen. Ai i imi i njeh të gjitha llojet e deleve, pula, të gjitha. Ne punojmë në qytet dhe në darkë ikim në katund, nuk shohim më aty televizor fare.
Këta i dun shpitë me kolona greke, me peshq në oborr, i ke pa ti kur i bëjnë edhe me lule të varura në tavan, se u duket vetja ashtu, unë një mur kam bërë aty. Nuk kanë faj njerëzit se më kan parë në televizor, te kutia e sherrit, nuk jam aq i keq sa aty dhe aq i mirë sa këtu”, u shpreh Rama.
Në përfundim të takimit, Rama u shpreh se i moshuari e kishte impresionuar duke i lënë përshtypje të një njeriu të jashtëzakonshëm: “Shyqyr që nuk kemi këtë në opozitë se do të na kishte hedhur 10 herë. Gjigant, monument kulture. I jashtëzakonshëm. Ai ishte kompjuter në tru”.
