Duket se Rama ka ndryshuar agjendën e tij. Planet ishin për të shkuar në Gjirokastër, por nuk ka ndodhur diçka e tillë. Rama ka anuluar brenda ditës planet e tij, ku u tha se sot do të ishte në Bashkinë e Gjirokastrës për një takim me qytetarët atje.
Burime për “Fax News” bëjnë me dije se Rama në orët e para të ditës është parë të qëndrojë në ambientet pranë kryesisë së Kuvendit, ndërsa nuk dihet se çfarë do të ndodhë në rast se protestuesit e zhvendosin protestën përpara Kryeministrisë.
Rama nuk ka pasur asnjë reagim zyrtar pas djegies së mandateve nga ana e deputetëve të opozitës, pavarësisht disa ngacmimeve që ka bërë në rrjetet sociale.
