Kryeministri Edi Rama ka nderuar sot me medalje zjarrfikësin Luan Kapaj, i cili ishte pjesë e aksionit të madh për shpëtimin e personave pas situatës së tërmetit.
Gjatë ceremonisë së zhvilluar në Kryeministri, Rama shprehu falenderimet e tij për punën e tij në përballimin e situatës pas tërmetit.
“Njerëzit si ti, janë thjesht në jetën e tyre dhe ne rrallë ose asfare i shohim në vlerën që kanë. Të jam shumë mirënjohës dhe të falënderoj shumë për gjithçka që bëre, edhe për praninë tënde këtu”, tha Rama teksa i dorëzoi medaljen.
“Më shumë se krenar kjo medalje, më bën krenar për dy qytetarët e mi, që janë bashkë më ne e marrin ajrin e kësaj toke dhe shikojnë dritën e këtij dielli. Unë do t’i shërbej popullit tim deri në momentin e fundit të jetës sime”, tha Luani pasi mori medaljen.
