Kryeministri, Edi Rama ka reaguar pas thirrjes së grave naftëtare për dialog.
Sipas tij, është lajm shumë i mirë mbyllja e grevës, por kjo nuk është konfirmuar nga naftëtaret, të cilat janë shprehur se janë të gatshme për të dialoguar.
Rama u kërkon atyre që të caktojnë përfaqësinë, dhe se vetë ai do jetë nesër në Ballsh.
”Lajm shumë i mirë mbyllja e grevës në Ballsh! Më vjen keq për kaq shumë ditë mundim të panevojshëm, përderisa jo vetëm kemi qenë plotësisht të ndjeshëm ndaj hallit tuaj, po edhe të gatshëm ta qajmë hallin së bashku! Tani caktoni përfaqësinë dhe nesër do të jem vetë aty me ju.’’, shkruan Rama në rrjetin social, Twitter.
Lajm shumë i mirë mbyllja e grevës në Ballsh! Më vjen keq për kaq shumë ditë mundim të panevojshëm, përderisa jo vetëm kemi qenë plotësisht të ndjeshëm ndaj hallit tuaj, po edhe të gatshëm ta qajmë hallin së bashku! Tani caktoni përfaqësinë dhe nesër do të jem vetë aty me ju.
— Edi Rama (@ediramaal) November 8, 2020
Prej 25 ditësh, gratë naftëtare të Ballshit janë në grevë urie, pasi kërkojnë pagat e pramabetura.
