Kryeministri, Edi Rama u shpreh nga Vlora se asnjë ministër i kabinetit të tij qeverisës që është prekur nga Covid-19, nuk ka shkuar për kurim në Turqi.
Rama tha se nuk mund të ndalohet askush që të shkojë të marrë mjekim jashtë vendit, por ministrat ndodhen në Shqipëri.
Ai mori dhe shembullin e shefes së Epidemiologjisë, Silva Bino e cila pas komplikacioneve shëndetësore, u kurua në spitalin Infektiv (Covid 1).
Edi Rama: “Cilët politikanë çojmë në Turqi? Damian Gjiknuri nuk është në Turqi, as ministrja e Financave, as Blendi Klosi. Ne nuk mund të ndalojmë, askënd që të shkojë edhe në Turqi, por anëtarët e qeverisë janë këtu të gjithë. Ca e kanë kaluar dhe janë duke e kaluar dhe nëse do të jetë nevoja do të shkojnë në spitalin publik. Shefja e epidemiologjisë së Shqipërisë, Silva Bino e pati në gjendje të rëndë, nuk iku në Turqi e kaloi në spitalin Infektiv.
Nuk ka mundësi? Patjetër që ka. Por pse shkoi te Infektivi? Duke qenë në brendësi të të gjitha e di se nuk ka në Turqi më shumë sesa këtu dhe e di shumë se mjekët dhe infermierët tanë janë heronj. Nuk ka pyll pa derra, ka derra në parlament, opozitë, në cdo fushë, edhe mes mjekëve dhe infermierëve, por e them me përgjegjësi, por shumica dërrmuese e mjekëve shqiptarë janë absolutisht në lartësinë e detyrës”.
