Vijojnë replikat në distancë midis kryeministrit Edi Rama dhe presidentit Ilir Meta.
Në rrjetin social Twitter, Rama e pyet Metën se çfarë borxhi i kanë shqiptarët që ende nuk ngopet dhe nuk pushon së ngatërruari dynjanë.
”Ilir aman të keqen thuaja shqiptarëve çfarë borxhi të kanë ty që t’i dhanë të gjitha siç nuk ia kanë dhënë askujt në historinë e shtetit të tyre dhe prapë nuk ngopesh dhe nuk pushon së ngatërruari dynjanë në Shqipëri e matanë?! Thuaja pash Zotin çfarë borxhi të kanë akoma!’’, shkruan Rama në Twitter.
Ilir aman të keqen thuaja shqiptarëve çfarë borxhi të kanë ty që t’i dhanë të gjitha siç nuk ia kanë dhënë askujt në historinë e shtetit të tyre dhe prapë nuk ngopesh dhe nuk pushon së ngatërruari dynjanë në Shqipëri e matanë?! Thuaja pash Zotin çfarë borxhi të kanë akoma!
— Edi Rama (@ediramaal) October 4, 2020
Më herët, duke i’u referuar raportit të Freedom House për demokracinë, presidenti Meta tha se vendi po rrëshket drejt një junte me grusht të hekurt.
Por, Rama u shpreh se Meta ka frikë nga humbja e zgjedhjeve të 25 prillit.
