Kryeministri Edi Rama ka mbledhur sot grupin parlamentar të Partisë Socialiste.
Në këtë mbledhje, Rama njoftoi nënshkrimin e një Marrëveshje Mirëkuptimi mes Grupit Parlamentar, anëtarëve të qeverisë dhe Sekretariatit të PS, ndërsa theksoi se marrëveshja synon rritjen e cilësisë së punës e vazhdimin e saj me aleatët, pra popullin.
FJALA E RAMËS:
Sot është një moment i posaçëm për këtë legjislaturë sepse e nisim punën e përbashkët me një marrëveshje sh të rëndësishëm mirëkuptimi mes kreut të grupit parlamentar të PS në emër të gjithë deputetëve, sekretarit të përgjithshëm të PS në emër të strukturave drejtuese të partisë dhe ministrave të qeverisë sonë.
Kjo marrëveshje synon që të çojë në një nivel të ri bashkëpunimin mes këtyre palëve që në fakt janë pjesë të të njëjtës skuadër për të rritur cilësinë e punës së përbashkët dhe përgjegjshmërinë personale.
Marrëveshja dakordëson fushat dhe instrumentat që bëjnë të mundur trajtimin në kohë dhe cilësi të ankesave të njerëzve në çdo komunitet.
Për elementët e marrëveshjes do të referojë kryetari i i grupit së bashku me sekretarin e përgjithshëm për një punë shumë cilësore të bërë edhe në bashkëpunim me ekspertë për ta hartuar këtë dokument. Në mbyllje dua të rinënvizoj domosdoshmërinë që ne do ë vazhdojmë të mbetemi besnikë asaj që të gjithë së bashku mësuam nga leximi i zgjedhjeve të 25 qershorit, nevojës për t’u bërë më të mirë dhe për të qeverisur shumë më mirë, nisur nga fakti që shqiptarët na votuan për atë që mund të bëjmë, jo për çka bëmë në 4 vitet e para. Pikënisja e secilit prej nesh për të bërë më mirë dhe më shumë.
Gjatë fjalës së tij, Balla e quajti marrëveshjen në fjalë fuqizim të debatit të brendshëm, ku theksoi komunikimin e vazhdueshëm mes palëve.
Balla: Kjo është marrëveshja mirëkuptimi që do firmoset mes tre palëve: kryetarit të grupit parlamentar, sekretarit të përgjithshëm dhe secilit prej ministrave, Secila palë angazhohet për të rritur bashkëjetesën e procesit demokratik, për të ruajtur dhe forcuar më tej lidhjen me elektoratin dhe anëtarësinë të PS,për të vendosur para përgjegjësisë në kohë reale çdo zyrtar që shkel të drejtën…
