Kryeministri i vendit Edi Rama aktualisht ndodhet në qytetin e Sarandës aty ku zhvilloi takimin elektoral të radhës në kuadër të fushatës për zgjedhjet lokale.
Ashtu siç ndodhi dy ditë më parë në Shkodër, edhe sot në Sarandë, militantë të PD-së e kanë pritur me protesta kryeministrin, në tentativë për të ndaluar takimin elektoral.
Në dukje i lodhur nga protestat e tyre, Rama ka theksuar gjatë fjalës së tij se kjo është fushata më e vështirë që ka bërë ndonjëherë: “Kjo fushatë është fushata më e vështirë që unë e kam bërë ndonjëherë dhe se shqiptarët kanë parë në këto vite sepse është një fushatë ku kundërshtari nuk na ka dalë përballë, por ka qëllimin të rrëzojë institucionin themelor, institucionin e zgjedhjeve. Çfarë kanë këta njerëz? Si ka mundësi që këta njerëz duan të mbjellin frikë dhe pasiguri? Ata protesta bëhen për të mbjellë frikë dhe për ta bërë leckë Shqipërinë në të gjithë Evropën”.
