Në përfundim të prezantimit të paketës “Anti KÇK”, kryeministri Edi Rama i ka kërkuar mbështetjen gjithë deputetëve socialistë për ta miratuar.
Madje Rama theksoi se “kush nuk e voton këtë paketë është i përjashtuar nga grupi parlamentar i PS”.
“Unë kërkoj mbështetjen pa kushte të gjithë grupit parlamentar për ligjin special dhe paketën kundër KÇK pa kushte. Kush nuk e voton këtë paketë është i përjashtuar nga grupi parlamentar i PS”, tha Rama.
Në vijim kryeministri pohoi se disa ligje të tjera do të preken: “Ky do të jetë një akt normativ bazuar mbi vendimin e qeverisë. Paralelisht disa ligje të tjera do të preken. Agjencia e pronave të sekuestruara do kalojë nën varësinë e Ministrisë së Brendshme.
Do ngremë edhe një njësi speciale kundër korrupsionit që do jetë një njësi e përqendruar tek korrupsioni në gjithë sistemin qeverisës. Askush nga ne dhe aq më pak PS nuk mund të mbajë në kurriz dikë që përdor mandatin e zyrës në funksion të tij”.
