Mesa duket tensionet midis Ramës dhe Kurtit tashmë janë një çështje e të kaluarës. Dje, dy kryeministrat, Edi Rama dhe Albin Kurti janë takuar dhe kanë diskutuar mbi shumë çështje të ndryshme. Spektrimi i bisedimeve ka qenë i gjerë dhe gjithëpërfshirës.
Dy kryeministrat kanë shfrytëzuar dhe një hapësirë pushimi për tu takuar dhe me aktorin e madh Gerard Depardieu, i cili po xhiron filimin “Unë dhe Millosheviçi”, me autorë kosovarë. Kjo gjë është bërë e ditur nga kryeministri Rama, i cili ka përjetesuar këtë moment dhe me një foto në profilin e tij në facebook.
“Kryeministri Rama ne facebook: Në mes të një bashkëbisedimi të gjatë prej disa orësh me Albinin, ku hapëm shumë tema të bashkëpunimit dhe mirëkoordinimit të dy qeverive, patëm një moment pushimi të veçantë, me autorët kosovarë dhe aktorin e madh Gerard Depardieu, të cilët po xhirojnë në Shqipëri filmin ‘Unë dhe Millosheviçi”, shkruan Rama.
