Ceremonia përkujtimore e 1-vjetorit të vdekjes së ekstremistit Kostandinos Kacifas, ka bërë që në Kakavijë të ketë radhë të gjata. Raportohen se rreth 1800 persona kanë hyrë në Kakavijë për dy ditë për të marrë pjesë në këtë ceremoni.
Sipas BalkanWeb, 500 shtetas grekë kanë hyrë gjatë ditës së sotme, prej orës 12 të natës. Ndërsa në orët e para të mëngjesit ka kaluar vetëm një autobus me 20 shtetas grekë.
Dy persona të shpallur “non grata” janë kthyer nga policia, ndërkohë që forca të shumta policie ndodhen Gjirokastër por edhe në pjesë të tjera të Jugut të vendit, kryesisht në zonat kufitare.
Ditët e fundit shoqatat patriotike greke, duke përdorur “fuqinë e rrjeteve sociale” kanë bërë thirrje për grumbullimin e sa më shumë të rinjve. Kujtojmë se 35-vjeçari Kostandinos Kacifas, mbeti i vrarë më 28 tetor të vitit të kaluar gjatë një përplasje me armë me policinë shqiptare në fshatin Bularat.
