Kryeministri Edi Rama ka qenë sot në Rrajcë, ku ka prezantuar programin e 3-të të furnizimit me ujë në zonat rurale.
Në fillim të fjalës së tij, Rama ka ironizuar kryebashkiaken e Përrenjasit, Miranda Rira.
Kjo e fundit sapo është shtuar me fëmijë, ndërsa kryeministri teksa i uroi jetë të gjatë foshnjës, tha se pas zgjedhjeve, ajo do të ketë më shumë kohë për t’iu dedikuar bebes, duke nënkuptuar se PS do ta fitojë këtë bashki.
“Faleminderit të gjithëve për praninë tuaj. Jam i keqardhur për mungesën e kryetares së bashkisë, por arsyeja e mungesës është e gëzueshme. I uroj edhe 100 bebes të sapolindur të Mirandës, edhe kam besim dhe bindje se do t’i krijojmë të gjitha mundësitë Mirandës që të fokusohet më shumë të bebja pas 30 qershorit”, tha Rama.
