Kryeministri Rama ka zhvilluar një takim në Gjirokastër me banorë dhe fermerë. Gjatë fjalës së tij, Rama kërkoi votën e grave të Gjirokastrës, ndërsa akuzoi PD-në se në këtë qark përfaqësohet vetëm nga meshkujt, duke mos respektuar kuotat gjinore.
Kryeministri bëri thirrje që qytetarët të votojnë PS-në pavarësisht bindjeve politike, sepse vendosin për të ardhmen e tyre.
FJALA E RAMËS:
Ne vumë themelet, por që të bëjmë shtet tamam duhet të kemi administratën shtetërore në funksion të njerëzve, jo në funksion të partive. Shqiptarët nuk mund të ndahen më në copa, nuk duhet të shkojnë të votojnë sikur të jenë në stadium.
Vota nuk është tifozllëk, mund të jesh me zemër i majtë/ i djathtë ama kur shkon të votosh, shkon të zgjedhësh kë do marrësh në punë të të rregullojnë arsimin, shëndetësinë etj etj.
Janë hequr 600 tekste pa lidhje, lloj-lloj që prodhoheshin nga profesorët e Saliut. Unë jam i djathtë, do shkoj të votoj për Lulin që të më kthejë librat e Saliut? Të votoj kundër fëmijës tim?
Gratë janë me punën, as me të djathtën as me të majtën. Grave të Gjirokastrës u them vetëm kaq, kjo PD që thotë votoni burrat se gratë nuk mund të përfaqësojnë në parlament. Po mirë, pika nuk u bie këtyre?
Tani kjo nuk është shaka, gratë duhet të kuptojnë që vota e 25 qershorit është votë dinjiteti dhe PD paguan gjobë se nuk vë dot një grua në listën e Gjirokastrës. Të na rrojnë gratë.
Nuk mund të kthehemi prapa ne. PD nuk ka gra në Gjirokastër, s’ka gra në Fier, s’ka në Kukës. Gjithë ajo parti, 10 gra çon në parlament. A e kuptoni ju?
Kjo tregon se këta nuk dinë të punojnë. Republika e Re me burra që lozin e kuvendojnë në çadër, e megjithëse rrojnë nga gratë, nuk u japin mundësi.
Demokratët na kanë borxh se i nxorëm nga çadra, ua shpëtuam partinë, tani të na japin votën dhe ta shpëtojmë Shqipërinë.
Kshu që jo vetëm votën tuaj, por edhe 10 vota të tjera./ Tirana Today
