Kryeministri Edi Rama zhvilloi një bashkëbisedim me strukturat e Partisë Socialiste në Gjirokastër, në kuadër të fushatës elektorale.
Gjatë fjalës së tij, Rama u shpreh se forca politike që ai drejton, ka një vizion për të cilin duhet të vazhdohet që të punohet.
Rama tha se është sprovuar nga tërmeti dhe pandemia, por ka treguar se ka karakter për t’i përballuar këto sfida.
Edi Rama: “Mesazhi ynë duhet të përcohet deri ne fund, ne kemi një vizion për të cilin duhet të vazhdojmë të punojmë. Ne kemi nje karakter që po sprovohet dhe ne këto momente kaq dramtatike jo vetëm për vendin por për mbarë shoqërinë me sfidën me të cilën na përball të gjithëve një pandemi që vjen njëherë në 100 vjet, por edhe me sfidën që na përballi tëmreti katastrofik. Karakteri ynë po testohet çdo ditë. Ne jemi të vendosur këmbëngulës dhe shumë të duruar por na duhet kohë e nevojshme dhe mbështetje e nevojshme që gjërat të shkojnë në vendin e duhur. Ngjitja është e vështirë se sa më shumë të ngjitesh aq më e largët të duket.”
