Kreyministri Edi Rama pasi ka ironizuar disa herë “Çadrën e Lirisë” dhe vetë kreun e PD-së, nuk heq dorë ende nga këmbëngulja e tij për pjesëmarrje të ulët të protestuesve, dje në protestën e 13 majit.
Rama ka publikuar një video të filmuar me dron dhe një foto, ku në rastin e parë duket një numër jo shumë i madh protestuesish, ndërsa në rastin e dytë duket e kundërta.
Duket se kryeministri, me anë të këtij postimi kërkon t’u mbushë mendjen qytetarëve që besojnë se numri i njerëzve në protestë ka qenë mjaft i madh.
Së fundmi, Rama e mbyll duke u bërë një thirrje demokratëve, të cilëve u thotë që “ta bëjnë ‘luftën’ me të me sytë e tyre dhe jo me sytë e udhëheqësve të verbër”.
