Kryetarja e LSI, Monika Kryemadhi, ka ngacmuar sërish me një histori që i takon të shkuarës së Ramës, ndërsa fliste për Teatrin. Ajo ka treguar se në kohën kur kryeministri Edi Rama ishte i martuar me aktoren Matilda Makoçi, vinte takonte gjyshen e saj e cila jetonte në një lagje me kryetaren e LSI. Nga kjo shtëpi, ai e shihte Teatrin nga dritarja, madje dëgjonte edhe duatrokitjet.
“Edi Rama, e di se ka qenë i martuar me Matilda Makoçin. Vinte e takonte gjyshen e Matildës, aty jetoja unë dhe në shtëpinë ku jetonte Monika nga dritarja shihej Teatri dhe dëgjonin duartrokitjet. Si nxënëse e shkollës “Dora D’Istria”, e kemi pasur me detyrim të shkonim njëherë në muaj në Teatër. Kam parë Sulejman Pitarkën, Kadri Roshin…
Kurse Rama në Teatër ka hyrë vetëm kur ka dashur ta shembë. Një njeri që ka hyrë dhe ka parë edhe një shfaqje të vetme…”, tha ajo për “News 24”.
Kryetarja e LSI më tej ka përmendur të gjithë policët, të cilët kanë ushtruar dhunë. Ajo madje lëshoi akuza të forta, duke thënë se sektori i policisë është ngritur me anëtarë partie.
“Rama nuk e ka dhunë të rrahurën, sepse Rama ka rrahur gratë e veta. Janë veprime kriminale. Një sektor policie që është ngritur me anëtarë partie. Ata s’kanë asnjë lloj koncepti si veprohet në polici, por bëjnë ça shohin në filma.
Denisa Hima, oficere që dhunoi Silva Cakën. Nuk ka turp më të madh për komunitetin mysliman, që një burrë të prekë me dorë një grua me shami.
Sa i përket dhunës, meqë s’ka dhunë, ne do ta trajtojmë Ramën njësoj siç ka trajtuar ai protestuesit. Amarlida Shabani, një police tjetër që ka dhunuar qytetarët. Ai Teatrin e ri s’ka për ta ndaluar njëherë. S’ka shanc ta pastrojë dot. Sepse s’ka ndërmend ta ndërtojë, se ai s’ka qenë ndonjëherë në Teatër”, shtoi Kryemadhi.
