Kryeministri Edi Rama tha sonte se ishte i detyruar që të vishte atlete në Trieste. Kryeministri Rama akoma zgjedh të bëjë “show” mediatik, ndërkohë kur situata politike në vend është shumë e agravuar. I ftuar në emisionin “Provokacia” në ABC News, Rama tha se i ishin vrarë këmbët ndaj për këtë gjë nuk ishte në dorën e tij përzgjedhja. Ai tha se kishte marrë me vete dhe këpucë dhe atlete. Emisioni “Provokacia” filloi me këmbë mbi tavolinë të gazetarit Mustafa Nano dhe kryeministrit Edi Rama.
“Veshja e atleteve në Trieste ka qene e detyruar se atje ishte një vape e tmerrshme, dhe mua këpucët më kishin vrarë këmbët, kisha marrë me vete dhe këpucë dhe atlete. Atje isha i detyruar që të zgjidhja të vishja atletet. Duhet theksuar se dhe moda shpesh vjen prej sjelljeve aksidentale,” deklaroi Rama.
Duhet theksuar se Rama nuk ka veshur atlete vetëm në Trieste.
