Jo vetëm ministrja Manastirliu, por edhe kryeministri Rama ka reaguar lidhur me lajmin e mirë se mjeku Dhimitër Kraja ka lënë ambientet spitalore, pasi është shëruar nga koronavirusi. Kreu i qeverisë Edi Rama, shkruan në një postim në Facebook se Dhimitër Kraja i cili është pensionist, iu përgjigj i pari apelit për tu angazhuar në vijin e zjarrit, ku u ‘plagos nga armiku’.
Statusi
?LAJM I MIRË NGA SPITALI INFEKTIV:
SAPO KA DALË I SHËRUAR PROF. DHIMITËR KRAJA, I CILI SI PENSIONIST IU PËRGJIGJ I PARI APELIT PËR T’U ANGAZHUAR NË VIJËN E ZJARRIT, KU U PLAGOS NGA ARMIKU…
JETË TË GJATË PROFESOR?
Të vendosur në vijën e parë të frontit kundër pandemisë, mjekët dhe infermierët po bëjnë një luftë të dyfishtë, teksa përpiqen të shpëtojnë jetët e pacientëve të prekur nga virusi.
Profesori i njohur që pas 48 viteve punë iu rikthye bluzave të bardha, për t’i ndihmuar në betejën kundër COVID-19, u prek nga koronavirusi, ndërsa sot ai la Spitalin Infektiv.
Profesor Dhimitër Kraja, në datën 20 mars iu përgjigj vullnetarisht i pari thirrjes për t’u rikthyer në shërbim, për të ndihmuar kolegët në kurimin e pacientëve të infektuar, por u prek vetë nga COVID-19.
