Kryeministri Rama ka njoftuar se 15 pacientë të tjerë kanë fituar betejën me COVID-19. “LAJM I MIRË: 15 TË SHËRUAR SOT”, shkruan kreu i qeverisë, Edi Rama, në postimin e tij të fundit.
Tashmë prej shumë javësh Shqipëria ndodhet në izolim, si një ndër masat emergjente për mos përhapjen e koronavirusit vdekjeprurës.
Numri i të infektuarve ka shkuar në 377 persona, dhe deri më tani janë shënuar 22 viktima.
Ministria e Shëndetësisë njoftoi dje se janë konfirmuar 16 raste të reja me COVID-19. Po kështu, harta e rasteve të reja është zgjeruar në Tiranë, Shkodër dhe në Has.
