Gjatë mesnatës, kryeministri Rama ka dhënë një lajm të mirë, teksa konfirmon se 14 pacientë të tjerë janë shëruar nga koronavirusi.
“Lajm i Mirë: 14 TË SHËRUAR SOT”, njofton Rama në Facebook, ndërsa lajmin e mirë për ata që ia kanë dalë të fitojnë betejën me Covid-19, e shoqëron me një emoji me buzëqeshje.
Dje, një tjetër paciente ka humbur betejën me koronavirusin, duke e çuar në 7 numrin e viktimave në vendin tonë.
Ministria e Shëndetësisë ka njoftuar zyrtarisht se viktima është një grua 85-vjeçare nga Tirana, e cila u shtrua në Spitalin Infektiv pasditen e së enjtes, në gjendje të rëndë.
“Pavarësisht përpjekjeve të stafit mjekësor për disa orë, 85-vjeçarja nuk arriti të mbijetojë. E moshuara vuante nga disa sëmundje kronike, dhe u konfirmua me COVID-19 në Spitalin Infektiv”, njofton Ministria e Shëndetësisë, duke i shprehur ngushëllimet familjes së të ndjerës.
Ministria i bën thirrje dhe një herë qytetarëve të jenë shumë të kujdesshëm në rast të shfaqjes së shenjave të sëmundjes, dhe të telefonojnë urgjencën kombëtare në numrin 127.
