Kryeministri Edi Rama tha qeveria e tij është në lëvizje shahu me kërkesën për të ndërtuar monumentin e çamëve në Greqi. I ftuar në emisionin “Real Story” në “Vizion +” Rama tha se janë në hapa diskutimi me palën greke. Ai tha së shqiptarët nuk duan as më shumë dhe as më pak prej asaj që u takon.
“Ne po këmbëngulim për të drejtën përkujtimore, por janë lëvizje shahu. Ne nuk duam të cënojmë tjetrin. Duam as më shumë dhe as më pak atë që na takon. Fakti që ne jemi në finalizimin e diskutimit për këto tre gjëra që ishin të paimagjinueshme, është produkt i qeverisë tonë që ne kemi punuar për 3 vite e gjysëm” tha Rama.
