Kryeministri Edi Rama i pranishëm në kryeqytetin e Ditës së Verës, në Elbasan, ka uruar te gjithë shqiptarët. Rama ka marrë pjesë fillimisht te Teatri Skampa dhe më pas në panairin e Ditës së Verës i cili mbahet në këtë ditë në qendrën e qytetit.
Ndërkohë në Tiranë kjo festë me vendim të kreut të bashkisë është shtyrë për ditën e diel. Rama nuk ka nguruar të ironizojë edhe opozitën në këst e cila më datë 16 do të organizojë një protestë të madhe në kryeqytet.
“Lala feston ne datën 14, Luli në 16, kurse Lali në 17”- ka ironizuar Rama, duke përcjellë më pas edhe urimet.
“Dita e Verës është një ditë e veçantë. Ju uroj te gjithëve gëzuar Ditën e Verës”- ka thënë Rama.
Programi i Ditës së Verës në Elbasan:
DATË 14 MARS 2019
– Vazhdon “Panairi tregtar” dhe “Panairi i librit”.
Ora 09.00 – Ekspozitë e Drejtorisë së Përgjithshme të Arkivave,
nga porta e Kalase, deri tek “1 Maj”
Ora 09.30 – Fillon cirkuidi i çiklizmit. Me të mbaruar, vendosen dhe
fillojnë demonstrimet e tyre ekipet e Klubit Shumësportësh,
përgjatë bulevardit “ Aqif Pasha”.
Ora 09.30-10.30 – Parakalimi i Karnavaleve të shkollave 9-vjeçare e, njëkohësisht, nis dhe demonstrimi i veprimtarive të shumëllojta sportive.
– Demonstrim i veprimtarive sportive përgjatë shëtitores, nga
“Sheshi Gensher” e deri te “Elbasan arena”, sipas vendeve të
paracaktuara. Do jenë këto lloje sporti: Karate (para “Reiffisen bank”),
cirk (para Monumentit te Kostandin Kristoforidhit), demonstrime boksi,
hendboll (para “Elbasan Arena”).
Ora 10.30-12.00
Vazhdon:Koncerti i Datës 14 Mars në Sheshin ”Gensher”
(Performojne: Qendra Kulturore e Femijëve, Shkolla Artistike Onufri
dhe banda Frymore e Qytetit).
Gëzuar për mot e jetë Ditën e Verës, 14 Marsin, Festën më të lashtë shqiptare, rrënjët e së cilës, më mirë se kudo, janë të ruajtura në ELBASAN!!!
