Një ditë para protestës së opozitës, një reagim është përcjellë nga ana e kryeministrit Rama. Ai teksa citon një shprehje të Martin Luther King, thotë se protestat e dhunshme nuk janë revolucionare por reaksionare, sepse në vetvete ndjellin humbjen.
Statusi
Përtej aspektit moral, limiti i protestave të dhunshme qëndron në faktin se ato s’të çojnë në fitore dhe këtë e dinë edhe ata që i bëjnë. Pra protesta e dhunshme s’është revolucionare po reaksionare, sepse ndjell humbjen.
Martin Luther King
Më herët, kryedemokrati Basha shpërndau një mesazh në rrjetet sociale, ku bëri thirrje për bashkim kundër asaj që e quan diktaturë e krimit.
Po kështu, edhe kryetarja e LSI-së, Monika Kryemadhi u ka bërë thirrje qytetarëve për t’u bashkuar në protestën e së hënës në kryeqytet.
Kryemadhi u shpreh se kjo protestë nuk ka rëndësi politike sesa ka rëndësi për të treguar që shqiptarët më shumë se kurrë, sot kanë vendosur të jenë zot të vetes.
