Kryeministri Edi Rama, i pyetur lidhur me krizën dhe tryezën politike të përfolur për ta thirrur Ilir Meta, tha se “i qan hallin presidentit në kohë protestash”.
Në një konferencë për mediat, Rama u shpreh se nuk do donte të ishte në vendin e Ilir Metës.
“Sa i takon Presidentit, në kohë protestash unë ia qaj hallin, shoqërisht, miqësisht, politikisht jo se është jashtë kapacitetit tim për të kuptua situatën e tij.
Nuk doja të isha kurrë në vendin e tij, për këtë arsye mendoj se ka shumë të drejtë që nuk më ka thirrur asnjëherë për këtë çështje”, deklaroi Rama.
Sa i përket kërcënimeve që ka marrë ambasadori i OSBE-së gjatë natës, Rama tha se dhuna ndaj tij ishte kriminale.
“Natën, është kërcënuar ambasadori i OSBE, menjëherë pas një deklarate shumë të qartë, që foli për organizatore për dhunë kriminale… Pra kur OSBE bën këtë deklaratë, duhet të pyesim të gjithë vetës: a jemi të vetëdijshme se çfarë është kjo?! Dhunë kriminale e pashembullt.
Nuk ka ndërkombëtare që të ulen dhe të bëjnë një pakete për të negociua me këta… Nuk ka. Ça do negociosh? Në sytë të ndërkombëtareve, por për mua dialogohet patjetër, por negociojmë mandatin? Ata mendojnë se jemi si ata? Që mandatin e marrë nga qytetarët e konsiderojnë një leckë?”, shtoi Rama.
