Kryeministri Rama sapo është larguar nga Kuvendi, fill pas mbarimit të fjalës së tij të mbajtur në seancën plenare, ndërsa tha se do të udhëtonte drejt Italisë.
Jashtë godinës së Kuvendit, protestuesit bëjnë thirrje për largimin e Ramës, dhe krijimin e një qeverie tranzitore, në mënyrë që të organizohen zgjedhje të lira dhe të ndershme.
Kjo protestë numërohet të jetë e katërta e opozitës brenda më pak se 30 ditësh, kohë kur edhe ish-deputetët morën vendimin për të djegur mandatet.
Pavarësisht se Policia e Shtetit i ka refuzuar lejen e protestës, përfaqësuesit e opozitës bënë thirrje që asnjë qytetar të mos trembet nga urdhrat politikë, por të jetë në shesh.
