Kryeministri Edi Rama ishte i prerë sot kur deklaroi se banorët ke Unaza e Re që nuk kanë dokumente, por që zotërojnë prona të tjera, nuk do të marrin asgjë përkundrazi do të përballen me ligjin.
Rama deklaroi se ata që kanë dokumente do shpronësohen sipas ligjit. Ndërsa ata që kanë të vetmen banesë atë që kap projekti do përfiktojnë qira për tre vite. Ndërsa ata që s’kanë dokumente e kanë prona të tjera nuk do përfitojnë asgjë, madje do të përballeshin me ligjin.
Deklaratat kryeministri i bëri në Urgjencën e Spitalit të Traumës në Tiranë, ku ka vizituar efektivët e plagosur në përplasjen me protestuesit e “Astirit”.
“Nuk ka shans që ligji të mos zbatohet njëlloj për të gjithë dhe nuk ka shans që policia e shtetit të kthehet në target për kapsollat apo për gurët apo për kërcënimet e një grupi njerëzish që duhet që të largohen që aty.
Ata që kanë letrat e pronës do të dëmshpërblehen si të gjithë në republikën e Shqipërisë. Qofshin me tituj të vjetër, qoftë të legalizuar ashtu si janë realizuar, do të përfitojnë ashtu si e thotë ligji.
Ata që janë aty vetëm më një strehë do të marrin bonusin e qerasë 3 vite si të gjithë të tjerët në këto raste, bonus qiraje që nuk e merrnin kurrë para 2013-tës dhe e marrin pas 201-tës.
Dhe të tjerët të largohen sa më parë se s’do marrin as edhe një gjë. Përkundrazi sa më shumë i bien ndesh ligjit aq më shumë do përballen me ligjin,” deklaroi Rama.
