Kryeministri Rama nuk i kishte shkuar ndërmend që presidenti Ilir Meta do të shtynte datën e zgjedhjeve lokale të 30 qershorit. Të enjten, në emisionin ‘Real Story’, ai u shpreh i bindur se Meta as nuk e mendon një gjë të tillë.
“Presidenti ka thëne nëse palët bien dakord, unë jam gati të nxjerr një dekret të ri. Kjo do të thotë se ka një palë që është kryesore, që nuk bie dakord. Nuk ka se si e bën. Kur ka qenë puna për të thënë se e ka bërë një gjë gabim në shkelje të Kushtetutës, e kam thënë. Nuk e ka në mend këtë gjë nga ata që ka thënë. Nuk mund të flasim me hamendësime….”, u shpreh Rama.
Presidenti i Republikës ka zhdekretuar 30 qershorin si datën e mbajtjes së zgjedhjeve lokale. Nga ana tjetër, nga qyteti i Beratit, kryeministri Edi Rama ka deklaruar se lëvizjet e Presidentit dhe të opozitës nuk e kanë surprizuar në asnjë rast.
Ai ka folur me termat e lojës së shahut, teksa tha se është gjithmonë tre lëvizje para opozitës.
Kryeministri shtoi se PD dhe LSI e morën përgjigjen nga SHBA-të, se në rast se do të prekin zgjedhjet, ata nuk do të mund të shkelin më në Amerikë.
