Kryeministri Rama që në mëngjes ka ftuar kryeqytetasit të bëhen pjesë e takimit përmbyllës elektoral këtë pasdite në sheshin “Nënë Tereza”.
Në një postim të shoqëruar me disa pamje, të cilat sipas tij provojnë transformimin e Tiranës, falë punës dy vjeçare të kryebashkiakut, ai kërkon mbështetjen e zgjedhësve, ashtu si dy vite më parë.
“MIRËMËNGJES dhe ju uroj një ditë të mbarë me këto pamje të punëve transformuese në Tiranë që u bënë të mundura vetëm falë fuqisë së votës të kryeqytetasve, të bashkuar dhe të vendosur dy vjet më parë që të zgjojnë qytetin e tyre nga gjumi.
Ja pse zgjedhjet nuk janë një moment për t’u neglizhuar. Prandaj do të jemi sot më të bashkuar se kurrë në Sheshin Nënë Tereza (ora 19:30), që të vazhdojmë më tutje, me një votë kuqezi për nr. ✌ #PërTiranënQëDuam dhe që mbi themelet e hedhura me reformat e me punën e mandatit të parë, të ndërtojmë më tej shtëpinë e shtetit modern shqiptar”, shkruan Kryeministri.
https://www.facebook.com/edirama.al/videos/10154872824881523/
