Ish-ambasadori grek në Shqipëri dhe Maqedoninë e Veriut, Alexander Mallias, ka komentuar vendimin e KE-së për të mos hapur negociatat me 2 vendet ballkanike, teksa deklaron se ky ishte një vendim i pritshëm për të.
Mallias, gjatë një interviste për Huffingtonpost.gr, u shpreh se e kishte parashikuar dështimin e Tiranës dhe Shkupit, në librin e tij, “Greqia dhe Maqedonia e Veriut”.
“Zoti Rama është fotokopja shqiptare e Gruevskit. Në Shkup kishim Gruvskin, në Tiranë kemi Ramën. Nuk jam i sigurt nëse zoti Rama dhe ekipi i tij, janë indiferentë ndaj këtij zhvillimi. Klasa politike shqiptare ka një përgjegjësi të madhe për imazhin problematik që përcjell ky vend pa Gjykatë të Lartë, pa Gjykatë Kushtetuese dhe pa një sistem drejtësie funksional. Zhvillime që janë në disanologji me përpjekjet e njerëzve atje, të cilët janë të detyruar të ikin, duke braktisur masivisht Shqipërinë”, tha ai.
Sipas tij, BE ka humbur besueshmërinë, dhe ai bën me faj për situatën edhe Federica Mogherinin. Ai shtoi se Rama, Thaçi e Vuçiç kanë marrëdhënie tejet të mira edhe personale me njëri-tjetrin.
