Gazetari Ylli Rakipi, i ftuar në studion e emisionit “Provokacija”, është shprehur mjaft i ashpër me kryeministrin Rama. Ai e krahason me Erdoganin, e po kështu nuk heziton të theksojë se ka frikë nga çfarë mund të bëjë ai. Sipas Rakipit, në Shqipëri kemi një pushtet totalitar, dhe një opozitë që nuk jep asnjë shpresë për vendin.
“Problemet brenda nesh janë shumë të mëdha. Kemi një opozitë që nuk jep ndonjë shpresë të madhe për njerëzit. Duket një mënyrë e pashpresë. Ne kemi një pushtet totalitar.
Diktatorët nuk janë vetëm si Enver Hoxha apo Hitleri. Mjafton të kesh edhe portretin e Ramës që e mbush parlamentin me banditë, që mbjell vendin me kanabis. Është tipik si vëllai i vetë Erdogan. Rama nuk rreh njerëz në rrugë, dhe nuk vret. Por kam frikë nga çmenduria e Ramës. Ne nuk kemi pasur në pushtet njerëz normalë”, u shpreh Rakipi.
Rakipi tha më tej se njerëzit janë të pashpresë, dhe zgjidhja e vetme është ikja jashtë.
“Sot shoh probleme më të mëdha se në këto 30 vjet. 5 vjet më parë njerëzit panë shpresë, dhe tani njerëzit po ikin jashtë.
Janë njerëz të mbushur pa biletë kthimi, është një vend pa fije shprese. Çfarë prodhon sot Shqipëria përveç kanabisit? Kompanitë e huaja po ikin dhe kompanitë celulare, turqit ose serbët duan ta blejnë”.
