“Nuk ka Zot!”, ky është përfundimi i fizikantit të famshëm Stephen Hawkingm. Kështu thuhet në librin e botuar pas vdekjes së tij. Libri ka përfunduar së botuari të martën.
Libri, i cili u botua nga familja e tij pas vdekjes së fizikantit, u jep përgjigje pyetje që Hawking i kishte ngritur gjatë jetës. Hawking, i konsideruar si një nga shkencëtarët më të shkëlqyer të gjeneratës së tij, vdiq në mars në moshën 76 vjeçare.
Detaje nga libri
“Nuk ka Zot, askush nuk e drejton universin”, shkruan ai në librin e titulluar: “Përgjigje të Shkurtra për Pyetjet të Mëdha”.
“Për shekuj me radhë, besohej se njerëzit me aftësi të kufizuara si unë jetonin nën një mallkim që ishte shkaktuar nga Perëndia. Më pëlqen të mendoj se gjithçka mund të shpjegohet në një mënyrë tjetër, nga ligjet e natyrës.”
Hawking vuajti nga skleroza laterale amyotrophic (ALS), një çrregullim i njohur gjithashtu si sëmundja e Lou Gehrig.
Shkencëtari vdiq ndërsa ende po shkruante librin. Familja dhe kolegët e tij e përfunduan me ndihmën e arkivave të tij të mëdha personale.
Ai gjithashtu parashikon që “brenda njëqind viteve të ardhshme do të jemi në gjendje të udhëtojmë kudo në Sistemin Diellor”.
“Ai e kuptoi se njerëzit kërkonin në mënyrë specifike përgjigjet e tij ndaj këtyre pyetjeve”. Kështu është shprehur për CNN, vajza e shkencëtarit, Lucy Hawking, e cila ndihmoi në kompletimin e librit.
Hawking e pa botën në prag të një “ndryshimi të madh transformues”. “Ai na kërkon që të mos e shkojmë verbërisht të ardhmen”, tha më tej vajza e tij.
Hawking ka qenë kritik i vendimit të Mbretërisë së Bashkuar për të lënë Bashkimin Evropian dhe e quajti Donald Trump një “demagog” në vitin 2016.
Mesazhi i fundit i Hawking për lexuesit është: “Mos harroni të shikoni lart në yje dhe jo poshtë në këmbët tuaja”./Përshtati Tirana Today/
