Në vijim të prezantimit të kandidatëve për kryetar bashkie për zgjedhjet e 30 qershorit, kryeministri Rama është ndalur në Urën Vajgurore, ku ka prezantuar kandidaten Juliana Memaj.
Rama tha se qeveria e ka shpëtuar një herë Lulzim Bashën nga dështimi dhe vetëvrasja politike dy vite më parë, kur pranuan çdo kërkesë të tyre, duke u dhënë edhe gjysmën e qeverisë, por sot nuk i ndalon dot të bëjnë një vetëvrasje politike. Ai nënvizoi se ata kanë frikë nga reforma në drejtësi, ndaj kanë zgjedhur rrugën e dhunës.
“Ata kanë panik nga reforma në drejtësi. Ne nuk kemi frikë, dhe jemi të vendosur ta sjellim deri në fund zbatimin e saj. Ata ikën nga parlamenti në 2017, se nuk dëshironin të votonin vettingun, të njëjtën gjë po bëjnë edhe sot.
Unë arrita ta shpëtoja Lulin në 2017, mori gjithçka që kërkoi, mori gjysmën e qeverisë. I toleruam pafund. Këtë herë nuk i ndaluam dot të vrasin veten politikisht. Nuk është detyra jonë dhe as në mundësitë tona që t’i shpejtojmë përsëri. Detyra jonë është të paraqitemi në zgjedhje më 30 qershor”, tha Rama.
Rama në Urën Vajgurore: Zgjedhjet janë demokratike, opozita u largua vetë!
