Kryeministri Rama ka krahasuar situatën me ngjarjet e 21 janarit, teksa tha se kur PS ishte në opozitë, godinës së qeverisë nuk iu hodh asnjë guriçkë, dhe jo më bomba molotov Kryeministrisë. Më tej Rama ka deklaruar se nga godina e qeverisë kur ajo drejtohej nga paraardhësit e tij u urdhëruan vrasjet me kallashnikov të protestuesve. Duke vlerësuar punën e Policisë së Shtetit, ai solli në kujtesë edhe dhunën e ushtruar ndaj Sait Dollapit.
“Të ruajmë qetësinë, vetëpërmbajtjen, dhe padyshim vendosmërinë për mos lejuar që një grupim i udhëhequr nga verbëria e dëshpërimit të influencojë më shumë seç duhet në mënyrën tonë të jetuarit jetës së përditshme. Së dyti, dua të shpesh solidaritetin më të madh dhe respektin më të thellë për të gjithë drejtuesit e punonjësve të Policisë së Shtetit. Besoj se Policia e Shtetit, në gjithë këtë zinxhir protestash, sikundër dhe dje, kanë treguar një profesionalizëm për tu admiruar, një vetëpërmbajtje, një qetësi për tu admiruar dhe kanë vendosur një standart të ri për historikun e uniformave blu pas rënies së komunizimit.
Ne nuk e konsiderojmë të qënit në të gjitha aspektet një nivel krejt tjetër në raport me të shkuarën, dhe në këtë aspekt, sjelljes së Policisë së Shtetit ndaj protestave, qasjes, forcës sonë, politikës sonë krahasim me të shkuarën nuk vlen për të thënë sa dinjitet sjell Policia e Shtetit. E shkuara e afërt na ka rezervuar kujtime të rënda që s’kanë lidhje me asnjë standart, asnjë përfitim të funksionimit të Policisë së Shtetit.
Sot për shkak të histerisë në të cilën organizatorët, por edhe disa media e trajtuan incidentin me një nga organizatorët kryesorë të dhunës, më detyron të kujtoj, para pak kohësh, në 2011 nuk u qëllua me asnjë guriçkë e jo më me bomba e me zjarr. Dhe nga kjo goditje u urdhërua vrasja e 4 protestuesve të pafajshëm. U urdhërua shkrehja me kallashnikovë mbi protestuesit të paarmatosur, u plagosën mbi 40 persona me plumba, u turr e gjithë trupa e keqpërdorur politikisht dhe arritën të futen deri tek kulla përballë, dhe u ngjitën në kate duke masakruar këdo që i dilnin përballë. Ju e dini mirë se protesta ishte e përfunduar”.
Rama u shpreh më tej se Shqipëria dje doli jashtë kontrollit, për shkak të një grupimi njerëzish. Por ndodhur në këto kushte, duke iu përgjigjur edhe shqetësimit të qytetarëve, Rama tha se ai s’do sillet kurrë si ata.
“Dikush që i ikën policëve. Ka një arsye. Dhe më lejoni tu them, në vende me demokraci të konsoliduar se e jona, do e kishte pësuar shumë më keq, dhe mos harroni të veprosh në ato kushte, të jesh nën flakë e nën gurë, e nën një presion shtazarak për 7 orë, duke qene në uniformën e Policisë së Shtetit, nuk është gjëja me e kollajshme.
Me kolajllëkun që gjykohet, apo një ndeshje që e shikon në tv, ama turp më të madh, hipokrizi më të madhe me shqiptarët. Ta kthehesh në një histeri për të provuar se në 7 orë ishte Policia e Shtetit ishte shkaktarja e saj që pamë, nuk ka. Nga ana tjetër dua ta them këtë sepse kam patur shumë mesazhe, njerëzit të dëshpëruar, revoltuar nga pamjet skandaloze që prodhoi dje. Nuk është Shqipëria e popullit shqiptarë, por e një grupi të dalë nga vetëkontrolli dhe kërkon që të nxjerrë jashtë kontrollit Shqipërinë. Ne s’jemi ata, dhe nuk do jemi kurrë ata. Ne s’kemi ardhur në Shqipëri që të bëjmë atë që bëjnë ata”.
TIRANA TODAY
