Teksa Rama nga Kuvendi tha se nuk do të ketë ndjekës të gatshëm ti binden Lulzim Bashës për të bërë 3-7 vite burg, duke djegur kutitë e 30 qershorit, kryedemokrati i’u përgjigj nga autostrada që kishte bllokuar në Milot.
“Këtë e di edhe bufi, edhe vëllai i bufit Edi Rama, që të dielën e 30 qershorit ne nuk do të lejojmë zgjedhje fasadë, sepse opozita as nuk klonohet, as nuk shpiket. Zgjedhje nuk do të ketë në asnjë qëndër të vetme votimi”, u shpreh Basha.
Ai nuk harroi ti përgjigjej edhe kërcënimeve me burg, që kryeministri u bëri demokratëve që do të guxonin të prishnin procesin elektoral. “Në burg do të përfundojnë Dako dhe Gjiknuri, që janë të kapur me prova duke vjedhur vota”, tha ai.
