Kryeministri Edi Rama në takimin me gratë dibrane në Peshkopi, tha se i duhet timoni që ta drejtojë vetë timonin e qeverisë pa mbajtur të tjerë në prehër, se vetëm partia socialiste mundet që të bej shtet, këtë e di dhe Saliu.
“Duhet që të kemi timonin e qeverisë vetë që ta çojmë Shqipërinë përpara dhe jo duke mbajtur të tjera në prehër që rrugës të na thonë, ndalo, jo ktheje këtej apo andej. Dhe Saliu e di mirë që vetëm e majta është ajo forcë politike që bën shtet”, tha Rama
Gjithashtu, kryeministri Rama tha se “vota nuk është bast për skuadrën e futbollit, për votën nuk vjen e para besnikëria ndaj flamurit të partisë. Me votë ju vendosni se kë do merrni në punë, për të garantuar arsimin e fëmijëve, për shërbimet në spitale, për sigurinë e jetës, për të marrë të drejtën tënde që të takon.”
