Kryeministri, Edi Rama ka reaguar ndaj deklaratave të kreut të PD, Lulzim Basha për aferat e inceneratorëve.
Rama thotë se Basha vazhdon të ngatërrojë investimin privat me pagesën 29€ për ton nga shteti.
Sipas tij, do apo s’do Basha dhe balonat e tij, Shqipëria do pastrohet nga malet e plehrave.
Edi Rama: ”Sipas Lulëzimit nuk duhen paguar plehrat që shkojnë në Sharrë po duhen bërë mal me re helmi mbi Kombinat! Vazhdon të ngatërrojë investimin privat me pagesën 29€ për ton nga shteti, kur në Europë shtetet paguajnë deri 150€ tonin për të njëjtën gjë! Çfarë mjerimi ky debat absurd!
Merren me nënën time të ndjerë dhe shajnë si të dehur, e kujtojnë se do gënjejnë shqiptarët duke ua bërë të bardhën të zezë me balonat tabake e tauke që i nxjerrin nëpër dyert e fushave sanitare sa në Sharrë e sa në Fier, për të recituar vjershat e mjerimit që në fakt e mishêrojnë!
Duan s’duan Lulëzimi dhe balonat e tij Shqipëria do pastrohet nga malet e plehrave, Tirana, Durrësi, Elbasani, Fieri, Vlora e me radhë nuk do të kthehen tek malet e plehrave të Saliut e të partisë që ka program rrënimin e rrëmujën në çdo fushë të jetës shqiptare! Sakaq ka ardhur edhe reagimi i kryedemokratit, i cili vazhdon me akuzat se 70 milion euro janë shpenzuar nga buxheti i shtetit.’’
Sipas Lulëzimit nuk duhen paguar plehrat që shkojnë në Sharrë po duhen bërë mal me re helmi mbi Kombinat! Vazhdon të ngatërrojë investimin privat me pagesën 29€ për ton nga shteti, kur në Europë shtetet paguajnë deri 150€ tonin për të njëjtën gjë! Çfarë mjerimi ky debat absurd!
— Edi Rama (@ediramaal) October 16, 2020
