Shqipëria do të legalizojë kanabisin për përdorim mjekësor. Kjo është pohuar nga kryeministri Rama, në një konferencë për media nga Kryeministria, ku u publikuan përgjigjet e Këshillimit Kombëtar. Ai tha se 61% e përgjigjeve kanë qenë pro kultivimit të kanabisit për kultivim mjekësor, dhe vullneti i tyre do të zbatohet. Kreu i qeverisë Edi Rama ka thënë se të gjitha mendimet e qytetarëve që janë votuar me shumicë, në pyetjet e Këshillimit Kombëtar do të realizohen. Një ndër to, është dhe legalizimi i kanabisit për përdorim mjekësor.
“Të gjitha pyetjet ose më saktë dilemat i kemi pasur në tryezë të vendimmarrjes sonë prej disa kohësh. Pikërisht se përse kemi pasur dilemë përkrahjen e vendimmarrjes, kemi parë rrugën më të mirë të mundshme që t’i drejtohemi qytetarëve pa asnjë dallim juridik.
Tani personalisht jam i lehtësuar për vendimmarrjet. Zëri i qytetarëve është kumbues dhe ne do të bëjmë ekzaktësisht atë që qytetarët kërkojnë, disa gjëra më shpejt, disa më pak ngadalë. Proces është ky, por shumë shpejt brenda pak ditësh do të shihni anëtarët e kabinetit që do të dalin me angazhime konkrete, për t’i kthyer njerëzve besimin që i kanë kthyer këtij procesi.
Ne do të legalizojmë kanabisin për përdorim jetësor, dhe do të hapim një front të ri pune. Çfarë qytetarët kanë thënë do të bëhet! Nuk diskutohet”, tha Rama.
